என்னுடைய விமான டிக்கெட்டிற்காக அப்பா செய்த செயல்! தமிழன் கூகுள் CEO சுந்தர் பிச்சை முதல் முறையாக உடைத்த ரகசியம்

Report Print Santhan in அமெரிக்கா

தமிழகத்தை சேர்ந்த சுந்தர் பிச்சை இப்போது கூகுளில் பெரிய பதவியில் இருந்தாலும், தன்னுடைய ஆரம்பகாலத்தில், விமான டிக்கெட்டிற்கு தன்னுடைய ஒரு வருட சம்பளத்தை செலவிட்டார் என்ற தகவலை தற்போது அவர் கூறியுள்ளார்.

உலகின் பல சாதனையாளர்களின் வெற்றிக்கதைகளை அவர்கள் மூலமாகவே கொண்டு சேர்க்கும் முயற்சியில் யூடியூப் இறங்கியுள்ளது.

இதற்காக Dear Class of 2020 என்ற பெயரில் ஒரு நிகழ்ச்சியை யூடியூப் நடத்தி வருகிறது. இதன் மூலம் பல சாதனையாளர்கள் தங்களது வெற்றிக்கதைகளை யூடியூபில் பேசி வருகின்றனர்.

அந்த வகையில் தமிழ்கத்தை சேர்ந்தவரும், கூகுள் CEO-வுமான சுந்தர் பிச்சை இதில் பேசியுள்ளார். அதில் இளைஞர்களுக்கு ஊக்கத்தை அளிக்கும் வகையில் பல விஷயங்களை குறிப்பிட்டார்.

குறிப்பாக தான் முதல் முதலாக அமெரிக்கா வந்தது குறித்து பேசினார். அதில், 27 வருடங்களுக்கு முன்பு நான் படிப்பதற்காக அமெரிக்கா வந்தேன்.

நான் அமெரிக்கா வருவதற்கான விமான டிக்கெட்டிற்காக என் தந்தை கிட்டத்தட்ட அவரின் ஒரு வருட சம்பளத்தை செலவிட்டார்.

அமெரிக்கா மிகுந்த செலவு மிகுந்த நாடு. நான் வீட்டிற்கு ஒரு நிமிடம் போன் பேச வேண்டுமென்றால் 2 டொலர்களுக்கு மேல் செலவாகும்.

நான் அந்த நிலையில் இருந்து தற்போதைய நிலைக்கு வந்திருக்கிறேன் என்றால் அதிர்ஷ்டம் என்பதையும் தாண்டி தொழில்நுட்பம் மீதான என்னுடைய தீரா ஆசை தான் காரணம் என கூறியுள்ளார்.

சென்னையில் பள்ளிப் படிப்பை முடித்த சுந்தர் பிச்சை, அதன் பின் சென்னை ஐஐடியில் பயின்றவர். கடந்த 2004-ஆம் ஆண்டு கூகுள் நிறுவனத்தில் சேர்ந்தார். கூகுள் டூல்பார் மற்றும் கூகுள் குரோம் ஆகியவற்றின் உருவாக்கத்திற்கும், முன்னேற்றத்திற்கும் இவர் பெரும் பங்கு வகித்தார்.

இதைத்தொடர்ந்து 2015ஆம் ஆண்டு கூகுள் நிறுவனத்தின் சி.இ.ஓ-வாக நியமிக்கப்பட்டார். 2017ஆம் ஆண்டில் கூகுள் நிறுவனத்தின் தாய் நிறுவனமான ஆல்பெபட்டின் இயக்குநர்கள் குழுவில் ஒருவராக சேர்ந்து, தற்போது அதற்கும் சி.இ.ஓ-வாக உள்ளார் என்பது குறிப்பிடத்தக்கது.

மேலும் அமெரிக்கா செய்திகளைப் படிக்க இங்கே அழுத்தவும்