பெண்கள் குளிப்பதை வீடியோ எடுக்க பைக்கில் ரகசிய கமெரா... போனில் ஆபாச வீடியோக்கள்: அதிரவைத்த இளைஞன்

Report Print Santhan in தெற்காசியா

ஆற்றில் குளித்த பெண்களை ஆபாசமாக வீடியோ எடுப்பதற்காக இருசக்கர வாகனத்தில் இளைஞர் ஒருவர் ரகசிய கமெரா பொருத்தியிருந்த சம்பவம் தமிழகத்தில் நடந்துள்ள்து.

கன்னியாகுமரி மாவட்டம், தோவாளை ஆற்றில் இருக்கும் படித்துறை பகுதியில் பெண்கள் குளிப்பது வழக்கம். அப்போது அந்த பகுதியில் கடந்த சில நாட்களாக பைக் ஒன்று நின்று கொண்டிருந்தது.

அந்த பைக்குக்கு சற்றுத்தள்ளி ஒரு வாலிபர் நிற்பதும் வழக்கமாக இருந்துள்ளது. இது அங்கு குளிக்க வரும் பெண்களுக்கு சந்தேகத்தை ஏற்படுத்தியுள்ளது.

இதனால் அவர்கள் அப்பகுதியில் இருக்கும் இளைஞர்களிடம் இது குறித்து கூறியுள்ளனர். இதையடுத்து அப்பகுதி இளைஞர்கள் அவரை பிடித்து விசாரித்த போத், அவர் முன்னுக்கு பின்னாக பதிலளித்துள்ளார்.

அதுமட்டுமின்றி இருசக்கர வாகனத்தை எடுப்பதிலே குறியாக இருந்துள்ளார்.

இதனால் சந்தேகமடைந்த அந்த பகுதி இளைஞர்கள், பைக்கின் கைப்பிடி பகுதியில் இருந்த கறுப்பு நிறப் பெட்டியை திறந்து பார்த்த போது, அதன் உள்ளே ஸ்மார்ட் போன் இருப்பதை கண்டுள்ளனர்.

அதன் பின் அந்த போன் உள்ளே பெண்கள் குளிக்கும் காட்சிகள் இருப்பதைக் கண்டு அதிர்ச்சியடைந்த அவர்கள், உடனடியாக இது குறித்து காவல்நிலையத்திற்கு தகவல் கொடுத்தனர்.

இதையடுத்து சம்பவ இடத்திற்கு விரைந்து வந்த பொலிசார் விசாரணை மேற்கொண்ட போது, அப்போது அந்த நபர் செண்பகராமன்புதூரைச் சேர்ந்த வெங்கடேசன் எனத் தெரியவந்தது.

மேலும் ஆற்றில் குளிக்கும் பெண்களை ஆபாசமாக வீடியோ எடுப்பதற்காகத் திட்டம் போட்டிருந்ததும் தெரியவந்தது.

அதற்காகக் கறுப்பு நிறப் பெட்டி ஒன்றைத் தயாரித்துள்ளார். அந்த பெட்டிக்குள் ஸ்மார்ட் போனை வீடியோ மோடில் ஆன் செய்து வைத்து விட்டு, பைக்கை பெண்கள் குளிக்கும் பகுதியில் நிறுத்தி விட்டு ஓரமாக போய் நின்று கொள்வார்.

இதனால் யாருக்கும் சந்தேகம் வராத நிலையில், அந்த நபர் தொடர்ந்து அந்த பகுதியில் நின்று கொண்டிருந்தது அங்கு குளிக்க வரும் பெண்களுக்கு சந்தேகத்தை ஏற்படுத்தியுள்ளது.

இதனால் கையும் களவுமாக தற்போது சிக்கியுள்ளார். அவரது மொபைல் போனில் ஏராளமான ஆபாச வீடியோக்கள் இருப்பதைக் கண்டுபிடித்த பொலிசார் தொடர்ந்து விசாரணை மேற்கொண்டு வருகின்றனர்.

மேலும் தெற்காசியா செய்திகளைப் படிக்க இங்கே அழுத்தவும்

Latest Offers