ஒட்டுமொத்த குடும்பத்தையும் கோடரியால் வெட்டி கொலை செய்த சிறுவன்!

Report Print Vijay Amburore in ஏனைய நாடுகள்

ரஷ்யாவில் 16 வயது பள்ளி சிறுவன் தன்னுடைய தாய், இரட்டை சகோதரர்கள், தாத்தா மற்றும் பாட்டி என 5 பேரை கோடரியால் வெட்டி கொலை செய்துவிட்டு தற்கொலை செய்துகொண்டுள்ள சம்பவம் அதிர்ச்சியை ஏற்படுத்தியுள்ளது.

ரஷ்யாவை சேர்ந்த திமூர் கிமலெட்டினோவ் என்கிற 16 வயது சிறுவன் கல்வியில் சிறந்தவனாக, பிராந்தியத்தில் நடைபெற்ற பல அறிவார்ந்த போட்டிகளில் கலந்துகொண்டு பரிசுகளை வென்றுள்ளான்.

திமூரின் திறமையை பற்றி சுற்றியுள்ள வீடுகளை சேர்ந்த பலரும் பெருமையாக அவனுடைய அம்மாவிடம் கூறுவார்கள்.

அந்த அளவிற்கு நல்ல பெயருடன் விளங்கிய சிறுவன் நேற்றைய தினம், தன்னுடைய குடும்பத்தை சேர்ந்த 5 பேரையும் கோடரியால் வெட்டி கொலை செய்துள்ளான்.

இந்த சம்பவம் குறித்து பொலிஸார் கூறுகையில், குடும்பத்தில் உள்ள அனைவரையும் கொலை செய்துவிட்டு சிறுவனும் தற்கொலை செய்துகொண்டு இறந்துள்ளான். கொலை செய்ததற்கான காரணம் குறித்து விசாரணை மேற்கொள்ளப்பட்டு வருகிறது.

தற்கொலைக்கு முன்னர் சிறுவன் எழுதி வைத்த கடிதம் ஒன்று கைப்பற்றப்பட்டுள்ளது. அந்த கடிதத்தில் நெருங்கிய உறவினர் இறந்ததை நினைத்து தாத்தா விக்டர் (66) மற்றும் பாட்டி லிடியா (69) ஆகியோர் அழுதுகொண்டிருந்தது பாவமாக இருந்தது என குறிப்பிட்டிருந்தான்.

சிறுவனுடைய நண்பரிடம் விசாரித்த போது, இரட்டை குழந்தைகள் பிறந்த பின்னர் தாய் சரியாக தன்னை கவனிக்கவில்லை என திமூர் வேதனையுடன் கூறியதாக தெரியவந்துள்ளது.

மேலும் ஏனைய நாடுகள் செய்திகளைப் படிக்க இங்கே அழுத்தவும்