நகை கடையில் நிர்வாண கோலத்தில் நின்ற விற்பனையாளர்!

Report Print Arbin Arbin in ஏனைய நாடுகள்

சீனாவில் வாடிக்கையாளர்களை கவரும் பொருட்டு நகை கடை ஒன்றில் பெண் விற்பனையாளர் ஒருவர் நிர்வாணமாக நின்றது அங்கு பரபரப்பை ஏற்படுத்தியுள்ளது.

சீனாவின் பிரபல தங்க வைர நகை கடையான சோ லுக் ஃபூக் என்ற கடையில் தான் இந்த சம்பவம் நடந்துள்ளது. சீனாவில் பல்வேறு மாகாணங்களில் கிளைகள் கொண்ட இந்த நிறுவனம் புதிதாக திறந்துள்ள தமது கிளை ஒன்றில் விற்பனையாளர் இளம் பெண் ஒருவரை ஆடை இன்றி நிர்வாணமாக நகை விற்பனைக்கு ஏற்பாடு செய்துள்ளது.

தற்போது இந்த புகைப்படங்கள் வெளியாகி சமூகவலைத்தளத்தில் வைரலாக பரவி வருகின்றது.

இந்த நிறுவனம் இதுபோன்ற விளம்பர உத்திகளை மேற்கொள்வது இது முதன் முறையல்ல. கடந்த 2013 ஆம் ஆண்டு ஷென்ஷேன் பகுதியில் கிளை ஒன்றை திறந்தபோது அழகான சில மொடல்களை தெரிவு செய்து, அவர்களது உடலில் வண்ணங்கள் மட்டும் பூச வைத்து வாடிக்கையாளர்களை கவர ஏற்பாடு செய்திருந்தது.

ஆனால் குறிப்பிட்ட இந்த விளம்பர உத்திக்கு பொதுமக்களிடையே கடும் கண்டனம் கிளம்பியுள்ளது. இச்செயல் முகம் சுழில்லும்படி உள்ளதாக பெண்கள் சமூகவலைத்தளங்களில் கருத்து தெரிவித்துள்ளனர்.

இதுபோன்ற நடவடிக்கையில் இறங்கும் அந்த கடையின் உரிமையாளர் வெட்கப்பட வேண்டும் என ஒருவர் காட்டமாக பதிலளித்துள்ளார். இன்னொருவர், விற்பனையாளருக்கு சீருடை வழங்கவே முடியாதபடி விற்பனை மந்தமடைந்து விட்டதா என கிண்டலடித்துள்ளார்.

மேலும் ஏனைய நாடுகள் செய்திகளைப் படிக்க இங்கே அழுத்தவும்

Comments