சத்து நிறைந்த தினை கோதுமை ரவா தோசை செய்வது எப்படி?

Report Print Kavitha in உணவு

தினமும் சிறுதானியங்கள், கோதுமையை உணவில் சேர்த்து கொள்வது உடலுக்கு நல்லது என்று சொல்லப்படுகின்றது.

அந்தவகையில் தினை கோதுமை ரவா தோசை செய்வது எப்படி என்பதை பார்ப்போம்.

தேவையான பொருட்கள்

  • தினை - ஒரு கப்
  • கோதுமை ரவை - அரை கப்
  • அரிசி மாவு - கால் கப்
  • தயிர் - ஒரு கப்
  • தண்ணீர் - 2 கப்
  • மிளகு தூள் - 1 மேசைக்கரண்டி
  • பச்சை மிளகாய் - 2
  • கொத்தமல்லி - சிறிதளவு
  • சீரகம் - அரை தேக்கரண்டி
  • இஞ்சி - 1 துண்டு
  • வெங்காயம் - 2
  • கடுகு - 1 தேக்கரண்டி
  • கறிவேப்பிலை - ஒரு கொத்து
  • மிளகாய் வற்றல் - 2

செய்முறை

இஞ்சி, கொத்தமல்லி, வெங்காயம், ப.மிளகாயை பொடியாக நறுக்கி கொள்ளவும்.

தினை அரிசியை வெறும் வாணலியில் நன்றாக வறுத்து ஆறவைத்து மிக்சியில் போட்டு பொடித்து கொள்ளவும்.

கோதுமை ரவையை வெறும் கடாயில் போட்டு வறுத்து கொள்ளவும்.

ஒரு பாத்திரத்தில் பொடித்த தினை அரிசி மாவு, வறுத்த கோதுமை ரவை, அரிசி மாவு, தயிர், தண்ணீர் தேவையான உப்பு சேர்த்து ஆப்ப மாவை விட இளகியது போல் கரைக்க வேண்டும். வேண்டுமென்றால் தண்ணீர் சேர்த்துக்கொள்ளலாம்.

கரைத்த மாவுடன் சீரகத்தை பச்சையாக சேர்த்து அதனுடன், மிளகு தூள் பொடியாக நறுக்கிய இஞ்சி, பச்சைமிளகாய், கொத்தமல்லி, வெங்காயம் சேர்த்து கலந்து அரை மணி நேரம் ஊறவைக்கவேண்டும்.

தாளிக்க வேண்டியவைகளை தாளித்து மாவில் சேர்த்து நன்றாக கலந்து கொள்ளவும்.

தோசைக்கல்லை அடுப்பில் வைத்து கல் சூடானதும் மாவை கரண்டியில் எடுத்து அள்ளி தெளித்த மாதிரி லேசாக ஊற்றி இருபுறமும் எண்ணெய் விட்டு மொறு மொறு என்று வந்ததும் எடுக்கவும்.

சத்தான டிபன் தினை கோதுமை ரவா தோசை ரெடி.

மேலும் உணவு செய்திகளைப் படிக்க இங்கே அழுத்தவும்

Latest Offers