சூப்பரான கோவக்காய் புளிக்குழம்பு செய்வது எப்படி?

Report Print Kavitha in உணவு

கோவைக்காயில் பல்வேறு மருத்து குணங்களை கொண்டது.

இதில் இரும்பு சத்து அதிகம் உள்ளது இதை தொடர்ந்து சாப்பிடுபவர்களுக்கு உடல் சோர்வு நீங்கி, நீண்ட நேரம் செயலாற்றும் திறன் ஏற்படுகிறது.

அதுமட்டுமின்றி சர்க்கரை வியாதி உள்ளவர்கள் அடிக்கடி கோவக்காய் சாப்பிட்டு வந்தால் ரத்தத்தில் சர்க்கரையின் அளவை சரியாக வைப்பதோடு, நீரிழிவு நோயாளிகளின், சிறுநீரில் அதிகளவு சர்க்கரை சத்துகள் வெளியேறாமல் தடுக்கிறது.

அந்தவகையில் கோவைக்காயில் குழம்பு வைத்து சாப்பிடுவதானால் பல நன்மைகள் கிடைக்கின்றது.

தற்போது இந்த குழம்பை செய்வது எப்படி என்று பார்க்கலாம்.

தேவையான பொருட்கள்
  • கோவக்காய்கால் - கால் கிலோ
  • வெங்காயம் - 2
  • தக்காளி - 1
  • புளி - எலுமிச்சையளவு
  • காய்ந்த மிளகாய் - 2
  • தனியா - 1 டேபிள் ஸ்பூன்
  • அரிசி - ஒரு டீஸ்பூன்
  • கடலைப்பருப்பு - அரை டேபிள் ஸ்பூன்
  • சீரகம் - 1 டீஸ்பூன்
  • மிளகு - அரை டீஸ்பூன்
  • தேங்காய் துருவல் - 1 கப்
  • பொட்டுக்கடலை - அரை டேபிள் ஸ்பூன்
  • எண்ணெய் - தேவைக்கேற்ப
  • காய்ந்த மிளகாய் - 2
  • பச்சை மிளகாய் - 2
  • பூண்டு பல் - 2
  • கொத்தமல்லி தழை - ஒரு கைப்பிடி
செய்முறை

கொத்தமல்லி, வெங்காயம், தக்காளி, கோவக்காயை நறுக்கி வைத்துக் கொள்ளவும்.

புளியை ஒரு கப் தண்ணீரில் கரைத்து கொள்ளவும்.

வாணலியில் எண்ணெய் ஊற்றி காய்ந்ததும் வறுத்து அரைக்க வேண்டிய பொருட்கள் எல்லாவற்றையும் வறுத்து ஆறியதும் மிக்ஸியில் போட்டு விழுதாக அரைத்து எடுத்து கொள்ளவும்.

வாணலியில் எண்ணெய் ஊற்றி சூடானதும் மிளகாய், பூண்டு போட்டு தாளித்த பின்னர் நறுக்கிய வெங்காயத்தை சேர்த்து வதக்கவும்.

வெங்காயம் வதங்கியதும் தக்காளியை சேர்த்து வதக்கவும்.

தக்காளி குழைய வதங்கியதும் அதில் கோவக்காயை சேர்த்து நன்றாக வதக்கவும்.

கோவக்காய் வதங்கியதும் அதனுடன் உப்பு, மஞ்சள் தூள் சேர்த்து ஒரு கப் தண்ணீர் ஊற்றி காயை வேகவைக்கவும்.

கோவக்காய் பாதி அளவு வெந்தததும் வறுத்து அரைத்த விழுதை சேர்த்து நன்கு கொதிக்கவிட்ட பிறகு கரைத்து வைத்துள்ள புளித்தண்ணீரை வடிகட்டி ஊற்றவும். தேவைக்கு தண்ணீர் சேர்த்துக் கொள்ளவும்.

நன்றாக கொதித்து குழம்பு பதத்திற்கு கெட்டியாகும் போது கொத்தமல்லி தழை தூவி இறக்கவும்.

மேலும் உணவு செய்திகளைப் படிக்க இங்கே அழுத்தவும்

Latest Offers