முகத்தில் கருமை மறைந்து பொலிவு வர வேண்டுமா? உருளை கிழங்க இப்படி டிரை பண்ணி பாருங்க

Report Print Santhan in அழகு

தற்போது இருக்கும் அவசர உலகில் பெரும்பாலான மக்கள், தங்களின் முகம் மற்றும் உடல்களை பாதுகாக்க, செயற்கை முறையில் ஆன பல கிரீம்களை பயன்படுத்துகின்றனர். அது இப்போதைக்கு நன்றாக இருக்குமே தவிர அடுத்து பின்னர், பெரிய விளைவுகளை கொடுக்கிறது.

அப்படி இருக்கையில், நம் வீட்டில் இருக்கும் சில பொருட்களை வைத்தே, நாம் நம் முகம் மற்றும் உடல்களை அழகாக்கிக் கொள்ள முடியும்.

அந்த வகையில் உருளைக் கிழங்கு எந்தளவிற்கு முக்கியமானது என்பதை பார்ப்போம்.

  • முகத்தில் உள்ள கருமை மறைய வேண்டும் என்றால், உருளைக்கிழங்கு சாற்றை முகத்தில் தடவி வரவேண்டும்.
  • அதே போல் பஞ்சில், உருளைக்கிழங்கு சாற்றை நனைத்து கண்களின் மேல் வைத்து சிறிது நேரம் கழித்து கழுவி வந்தால் கருவளையம் மறையும்.
  • உருளைக்கிழங்கு அனைவருக்கும் பிடித்த ஓர் உணவு. இந்த கிழங்கு எல்லா பருவ காலங்களிலும் கிடைக்கக்கூடியது. இதில் சாலட், கிரேவி, பக்கோடா, புலாவ் போன்றவை செய்து சாப்பிடலாம்.
  • இதில் கார்போஹைட்ரேட் சத்து நிறைந்திருப்பதால் நீரிழிவு நோயாளிகள் அளவாக சாப்பிடுவது நல்லது. அத்துடன் இதில் அதிகளவில் பொட்டாஷியம் உள்ளது எனவே இரத்த அழுத்தம் இருப்பவர்கள் சாப்பிடலாம்.
  • மேலும் இக் கிழங்கில் வைட்டமின் பி, ல்யூடின், மாங்கனீஸ் போன்ற சத்துக்களும் இருக்கிறது. இது உடலில் இரத்த ஓட்டத்தை சீராக்கின்றது. அல்கலைன் தன்மை இருப்பதால் உடலை டீடாக்ஸ் செய்யவும் பயன்படுகிறது. இதில் உள்ள ட்ரிப்டோபான் தூக்கத்தை மேம்படுத்தும்.
  • இந்நிலையில், சருமத்திற்கு வைட்டமின் சி பல நன்மைகளை செய்யக்கூடியது. உருளைக்கிழங்கில் ஆண்டிஆக்ஸிடண்ட் மற்றும் வைட்டமின் சி இருக்கிறது.
  • எனவே இது வயது முதிர்ச்சி, சோர்வு, கருமை போன்றவற்றை நீக்கி சருமத்திற்கு அழகைக்கொடுக்கின்றது.
  • மேலும் இது வைட்டமின் பி6 இருப்பதால் சருமத்தில் புதிய செல்களை உருவாக்குவதோடு பருக்கள் மற்றும் சருமத்தில் உள்ள துளைகளிலுள்ள அழுக்குகளை போக்குகிறது.
  • உருளைக்கிழங்கு சாற்றில் ஆண்டி-இன்ஃப்ளமேட்ரி தன்மை உள்ளது. எனவே இதை இதனை ஜூஸ் செய்து குடித்தும் வரலாம்.

உருளைக்கிழங்கு ஜூஸ் தயாரிக்கும் முறை
  • முதலில் மூன்று உருளைக்கிழங்கை எடுத்து சுத்தம் செய்து துருவி கொள்ள வேண்டும், அதன் பின், அதை ஒரு துணியில் போட்டு பிழிந்து அதன் சாற்றை எடுத்து, அப்படியே குடித்து வரலாம்.
  • இல்லையேல் உருளைக்கிழங்கு மற்றும் கற்றாலை வெட்டி போட்டு அத்துடன் மிக்ஸியில் அரைத்து வடிகட்டி குடித்து வரலாம்.

மேலும் அழகு செய்திகளைப் படிக்க இங்கே அழுத்தவும்